Bakıda ödənişli hərəkət zonalarından toplanan haqq dövlət büdcəsinə ödəniləcək
Məqsədli büdcə fondları ləğv olunur, daxilolmalar dövlət büdcəsinin gəlirlərinə aid ediləcək
Baytarlıq pasportunun verilməsinə dövlət rüsumu 30 manat olacaq
Qoyun əti üzərinə nişan qoyulması üçün dövlət rüsumunun məbləği 2 dəfə azaldılır
12:19
112
“ƏDV geri al” mexanizmi bütün konsert növlərini əhatə edəcək.
Bu, Milli Məclisin bu gün keçirilən iclasında müzakirəyə çıxarılan Vergi Məcəlləsinə təklif olunan dəyişiklikdə əksini tapıb.
Layihəyə əsasən, “ƏDV geri al” mexanizminin bütün konsert növlərini əhatə etməsinin təmin edilməsi təklif olunur.
Qeyd edilib ki, “ƏDV geri al” mexanizminin tətbiqinin yalnız simfonik orkestr konsertləri ilə məhdudlaşdırılması digər musiqi və konsert növlərinə təşviqi azaldır və sənət sektorunda bərabərsizlik yaradır. Mexanizmin bütün konsert növlərinə şamil olunması sənət və mədəniyyət tədbirlərinin inkişafını stimullaşdıracaq, geniş auditoriyanın mədəniyyətə çıxış imkanlarını artıracaq və vergi güzəştlərinin ədalətli və vahid şəkildə tətbiqini təmin edəcək.
Bu yanaşma həm mədəniyyət sahəsində təşviqi gücləndirəcək, həm şəffaflığı təmin edəcək.
Müzakirələrdən sonra qanun layihəsi səsverməyə çıxarılaraq birinci oxunuşda qəbul edilib.