“Minsk qrupu həmsədrlərinin regiona növbəti səfərindən də heç nə gözləməyə dəyməz” Siyasət

“Minsk qrupu həmsədrlərinin regiona növbəti səfərindən də heç nə gözləməyə dəyməz”

Rasim Musabəyov: "Qarabağ münaqişəsinin həlli həmsədrlik səviyyəsindən çıxıb"

"ATƏT-in Minsk qrupu həmsədrlərinin regiona növbəti səfərindən də heç nə gözləməyə dəyməz". Bunu millət vəkili Rasim Musabəyov deyib.
Onun sözlərinə görə, Ermənistan-Azərbaycan, Dağlıq Qarabağ münaqişəsinin həlli çoxdan həmsədrlik səviyyəsindən çıxıb: "İndi onların işi odur ki, gəlib vəziyyəti öz gözləri ilə müşahidə etsinlər və hansısa bir təkliflər hazırlasınlar. Problemi ölü nöqtədən tərpətmək üçün onların nə nüfuzları, nə də imkanları var. Ona görə də bu səfərin nəticəsi kimi sonradan xarici işlər nazirlərinin görüşü təşkil olunsa belə, bu o deməkdir ki, həmsədrlərin səfəri mənasız olmadı". Azərbaycan və Ermənistan prezidentlərinin görüşünə gəlincə, politoloq deyib ki, görüşü təşkil etmək həmsədrlərin işi deyil: "Prezidentlərin görüşü ilə bağlı gərək ən azından üç həmsədr ölkənin (ABŞ, Rusiya, Fransa) XİN rəhbərləri bir təşəbbüslə çıxış etsin. Həmsədrlər öz ölkələrinin XİN-in orta diplomatlarıdırlar. Onların prezidentlərin görüşünü təyin etməyə imkanları yoxdur".