“Zəlzələdən dərhal sonra əziz qardaşım, cənab Prezident Rəcəb Tayyib Ərdoğanın liderliyi ilə xilasetmə-axtarış işləri başlayıb.”

APA-nın Türkiyəyə ezam olunan əməkdaşı xəbər verir ki, bunu Kahramanmaraşda “Azərbaycan” məhəlləsinin açılış mərasimində Azərbaycan Prezidenti İlham Əliyev bildirib.

Dövlət başçısı bildirib ki, ondan sonra bərpa, inşaat işlərinə start verilib: “Qısa müddət ərzində 10 minlərlə insan yeni evlərlə təmin edildi. Bu bir daha Rəcəb Tayyib Ərdoğanın öz xalqına bağlılığını, sevgisini və güclü iradəsini göstərən faktordur. Eyni zamanda, bu güclü Türkiyənin təzahürüdür. Çünki ancaq güclü dövlət qısa müddət ərzində bu qədər böyük tikinti, inşaat işləri görə bilər”.