Gürcüstan Azərbaycan və Ermənistan arasında sülh irəliləyişini alqışlayır.

APA-nın yerli bürosu xəbər verir ki, bunu Gürcüstan parlamentinin Ətraf mühitin mühafisəzi və təbii resurslar üzrə komitəsinin sədri Maya Bitadze İstanbulda keçirilən ATƏT PA-nın sessiyasında çıxışında deyib.

Onun sözlərinə görə, iki ölkə arasında sülhün əldə edilməsi regional təhlükəsizlik və iqtisadi artıma şərait yaradır.

“Tarixən İpək yolu ölkəsi hesab olunan Gürcüstan bütün bölgədə əlaqələrin dayanıqlı inkişafını təşviq etmək üçün neytral və etibarlı tərəfdaş olmağa hazırdır”, - Bitadze əlavə edib.

Komitə sədri qeyd edib ki, Gürcüstanın Orta Dəhlizdə rolu əhəmiyyətli templərlə artır:

“Təkcə 2024-cü ildə dəhlizdə yük dövriyyəsinin həcmində 62 faiz artım qeydə alınıb, Gürcüstanda dəmir yollarının modernləşdirilməsi isə onun ötürücülük qabiliyyətini əhəmiyyətli dərəcədə artıracaq”.