20-ə yaxın mərkəzdə ürək-damar cərrahiyəsi, 40 mərkəzdə isə invazit kardiologiya icra olunur. Bu sadəcə Bakıda deyil, Azərbaycanın bölgələrində də ürək mərkəzləri fəaliyyət göstərir.

Bunu Ürək-damar cərrahiyyəsi cəmiyyətinin təsisçisi, fəxri sədri Kamran Musayev Bakı Ürək Günləri" 9-cu Beynəlxalq Konqresində çıxışı zamanı deyib.

"Ulu öndərin Azərbaycanın dövlət kimi qurulmasında və Azərbaycanda səhiyyə sisteminin yaradılmasında, inkişafındakı rolu çox böyükdür. 2000-ci ildə Azərbaycanda artıq müasir səhiyyə ocağı var idi. Səhiyyə ocaqlarının prioritet sahəsi isə ürək-damar xəstəlikləri və onların diaqnostikası, müalicəsi idi. O illərdə ölkəmizdə istər diaqnostik, istər intervension, istərsə də açıq cərrahiyyə mənasında təkcə Mərkəzi Klinika fəaliyyət göstərirdi",- o bildirib.