Qərbi Azərbaycan əyalətinin mərkəzi Urmu şəhərinin ətrafında yerləşən bir sıra kəndlərdə qədim türk yer adları yenidən bərpa edilir.

Gunaz.tv

Bununla bağlı yerli media fəalları məlumat yayıb.

Bildirilib ki, bu, yerli əhali və milli-mədəni fəalların etirazlarından və bələdiyyəyə müraciətlərindən sonra baş tutub.

Bir neçə gün əvvəl güneyli fəalların sosial mediada paylaşdıqları məlumata görə, sonradan qoyulmuş qeyri-türk adları dəyişdirilib və "Nazlı yolu", "Günəş", "Tarla yolu", "Ulduz" və başqa bu kimi adların əks olunduğu lövhələr qurulub.

Qeyd edək ki, son illər türk dilində olan qədim yer adlarının dəyişdirilməsi və təhrif edilməsinə qarşı etirazlar çoxalıb.