Ölkənin bütün sahələr üzrə resurslarının və xərclərinin 60 faizi Tehrana məxsusdur!

Gunaz.tv

Bunu Təbriz Ticarət Palatasının İdarə Heyətinin üzvü Rza Cəfəri deyib.

Şərqi Azərbaycan əyalətinin hökumət və özəl sektor dialoq şurasının 115-ci iclasında çıxış edən Cəfəri, bölgələrə qarşı ayrı-seçkilik edildiyinə diqqət çəkib:

"Bu məsələ İslam Respublikası quruluşunun ədalət, aztəminatlılara dəstək, yoxsulluğun qarşısını almaq və s. kimi əsas prinsiplərinə də uyğun gəlmir!".

O, resursların 60%-nin paytaxtda cəmləşdirildiyi bir şərayitdə ölkənin müxtəlif bölgələrində irəliləyiş əldə etməyin mümkün olmadığını bildirib.

Rza Cəfəri, bütün sahələrdə sığorta pullarının Tehranda cəmləşidiyini qeyd edib, buna görə də sığorta şirkətlərinin Şərqi Azərbaycan və Təbrizdə investisiya qoymaqdan çəkindiklərini söyləyib.