Urmu gölü su hövzəsində son 36 saat ərzində yağan yağış nəticəsində gölünün bəzi yerlərində suyun səviyyəsi 40 santimetrə çatıb.

Gunaz.tv

Bunu Urmu Gölünün Bərpası Qərargahının Planlaşdırma və İnteqrasiya İdarəsinin rəisi Səid İsapur deyib.

Yağıntılardan sonra bölgənin əsas çaylarının suyunun Urmu gölünə axdığı üçün göldə canlanma qeydə alındığını deyən İsapur, bunun gölün bərpası anlamına gəlmədiyini bildirib:

"Bu, gölün bərpası demək deyil. Sadəcə çayların fəallaşmasının nəticəsidir. Urmu gölünün bərpası uzun prosesdir və buna görə də nəzərdə tutulan layihələrin tam icra olunmasına çalışmalıyıq."

Qeyd edək ki, İranın bəzi media orqanları və sosial şəbəkəsində "Urmu gölü canlandı" məzmunlu xəbərlər yayılıb.