Türkiyənin cənub sərhədlərində həyata keçirilən əməliyyatların yeganə hədəfi terror təşkilatlarıdır. Bölgədə hər hansı terror təşkilatının mövcudluğu və fəaliyyəti qəbuledilməzdir.

Bu barədə Türkiyənin Milli Təhlükəsizlik Şurasının iclasından sonra yaydığı bəyanatında deyilir.
"Böyük millətimizin və unikal ölkəmizin müdafiəsinin və təhlükəsizliyinin təmin edilməsi məqsədilə sərhədlərimizə, şəhərlərimizə, vətəndaşlarımıza, təhlükəsizlik qüvvələrimizə qarşı yönəlmiş hər hansı terror təşkilatının mövcudluğu və fəaliyyəti qəbuledilməzdir. BMT Nizamnaməsinin 51-ci maddəsinə əsasən cənub sərhədlərimizdə həyata keçirilən əməliyyatların yeganə məqsədi terror təşkilatlarıdır. Bu məqsədlərə çatmaq üçün bütün lazımi addımlar atılacaqdır", - deyə bəyanatda bildirilib.