Türkiyənin xarici işlər naziri Hakan Fidan ilə ABŞ dövlət katibi Antoni Blinken arasında telefon danışığı olub.

Trend-in məlumatına görə, bu barədə diplomatik mənbələrdən bildirilib.

Məlumata əsasən, tərəflər İsrail və Fələstindəki vəziyyəti müzakirə ediblər.

Bu mövzu onlar arasında oktyabrın 7-də, şənbə günü baş tutan telefon danışığı zamanı da müzakirə olunub.

Qeyd edək ki, dünən səhər İsrailə hücumlar olunub. Əvvəlcə Qəzza bölgəsindən reaktiv mərmilərlə kütləvi atəş açılıb, daha sonra döyüşçülər əraziyə qurudan, havadan və sudan daxil olublar.

İsrail ordusu müharibəyə hazırlıq vəziyyəti elan edib. Bundan başqa, İsrailin müdafiə naziri Yoav Qallant ehtiyatda olan hərbçilərin kütləvi çağırışını elan edib.