Böyük Britaniya və Almaniya oktyabrın 23-də Londonda dərinləşdirilmiş müdafiə tərəfdaşlığı sazişi imzalayacaqlar.

APA xəbər verir ki, bu barədə Böyük Britaniya Müdafiə Nazirliyinin bəyanatında deyilir.
Üçlük Evi Müqaviləsi adlanan sazişə əsasən, Böyük Britaniya və Almaniya NATO-nun şərq cinahında daha tez-tez birgə hərbi təlimlər keçirməyə başlayacaq, pilotsuz təyyarələrin istehsalı üzrə əməkdaşlıq edəcək və Şimal dənizində sualtı infrastrukturun birgə qorunmasına başlayacaq.

Sənədin digər mühüm məqamı Almaniya Hərbi Hava Qüvvələrinə məxsus Boeing P-8A Poseidon dəniz kəşfiyyat təyyarəsinin “Şimali Atlantikanı qorumaq üçün” Şotlandiyanın şimal-şərqindəki Lossiemut aviabazasında vaxtaşırı yerləşdirilməsidir.

“The Daily Mail”in qeyd etdiyi kimi, alman hərbi pilotları İkinci Dünya Müharibəsindən sonra ilk dəfə Böyük Britaniya üzərində uçmağa başlayacaqlar.