Rusiya xarici işlər naziri Sergey Lavrov Şimali Koreya xarici işlər naziri Çoi Sonq Hi ilə görüşüb.

APA-nın Rusiya müxbiri xəbər verir ki, görüş Moskvanın Yaroslavl vağzalında baş tutub.

Lavrov həmkarına gül dəstəsi təqdim edib. Daha sonra Rusiya və KXDR XİN başçıları Kim İr Senin 1949-cu ildə SSRİ-yə səfəri münasibətilə Yaroslavl vağzalında quraşdırılmış xatirə lövhəsinin açılışını ediblər.

Rusiya XİN sözçüsü Mariya Zaxarova bildirib ki, Lavrov və Çoi Sonq Hi arasında danışıqlar Rusiya XİN-nin Qəbullar Evində baş tutacaq.