Ağ Evə səfəri zamanı Almaniya kansleri Fridrix Merz ABŞ prezidenti Donald Trampdan İranla bağlı suallara cavab tələb edib. Xüsusilə, Almaniyanın baş naziri Amerika liderinin İslam Respublikasındakı hərbi əməliyyata son qoymaq üçün bir plan düşünüb-düşünmədiyini bilmək istəyib.

Xalqcebhesi.az xəbər verir ki, bu barədə "The New York Times" (NYT) qəzeti mənbələrə istinadən yazıb.

Mənbələrə görə, Merz İrandakı əməliyyatın necə və hansı şərtlər altında başa çatacağını bilmək istəyib. Nəşr qeyd edib ki, bir çox ölkənin liderləri, xarici işlər nazirləri və müdafiə rəsmiləri ABŞ administrasiyasının Yaxın Şərqdə başlayan münaqişə ilə bağlı dəqiq bir planının olmamasından qorxurlar. NYT ilə söhbətində ərəb ölkəsindən olan və adının çəkilməsini istəməyən yüksək vəzifəli diplomat bildirib ki, onun hökuməti Vaşinqtonun İrandakı gələcək hökuməti necə təsəvvür etdiyini və onun formalaşmasında rol oynayıb-oynamayacağını bilmir.
Öz növbəsində, Almaniya hökuməti hələ də ABŞ və İsrailin İrana hücumlarına dair hər hansı bir qiymətləndirmə verməkdən yayınır. Fridrix Merz bu hərbi əməliyyatın Almaniya hakimiyyəti üçün dilemma yaratdığını etiraf edib. O, İrana qarşı hərbi əməliyyatların proqnozlaşdırılması çətin olan risklər daşıdığından narahatlığını bildirib.

Məryəm Quliyeva