İstanbulda yerləşən “Oras Shipping” şirkətinə məxsus Panama bayraqlı “Anadolu S” adlı yük gəmisi noyabrın 17 və 18-də Ədən körfəzində olarkən iki ayrı raket hücumuna məruz qalıb.

Xalqcebhesi.az Türkiyə mediasına istinadən xəbər verir ki, noyabrın 17-də edilən ilk hücumda raket gəminin arxa istiqamətinə təxminən 500 metr, 18 noyabrda edilən ikinci hücumda isə raket gəminin arxa istiqamətində təxminən 1 dəniz mili uzaqlığa düşüb.

Hər iki hücumda gəmiyə çox ziyan dəyməyib, şəxsi heyət xəsarət almayıb. Karaçi limanına qida daşıyan gəmi dənizdə üzməkdədir. Gəmidə 10 türk, ümumilikdə isə 22 heyət var.