Fələstin prezidenti Mahmud Abbas dəvət alınacağı təqdirdə mayın 9-da Qələbənin 80-ci ildönümünün qeyd edilməsində iştirak etməyə hazır olduğunu açıqlayıb.

Bu barədə Fələstinin Moskvadakı səfiri Əbdülhafiz Nofəl RİA Novosti-yə şərhində bildirib.

"Dəvət olarsa, mütləq iştirak edəcək”, - deyə səfir qeyd edib.

Bundan əvvəl Slovakiyanın baş naziri Robert Fiko may ayında Serbiya prezidenti Aleksandr Vuçiçlə birlikdə Moskvaya səfər etmək niyyətində olduğunu bildirmişdi.

Slovakiyanın Baş naziri Vuçiçlə birlikdə İkinci Dünya Müharibəsi illərində ölkələrinin faşizmdən azad edilməsinə töhfə vermiş dövlətlərə hörmətlə yanaşmağın zəruriliyi ilə bağlı eyni fikirdə olduqlarını vurğulayıb.

Cavid