ABŞ administrasiyası qeyri-qanuni miqrasiya ilə mübarizə üçün Meksika ilə sərhədə “Striker” zirehli transportyorlarının və əlavə hərbi personalın yerləşdirilməsi imkanını nəzərdən keçirir.

Xalqcebhesi.az xəbər verir ki, bu barədə “Vaşinqton Post” məlumat yayıb.

Məlumata görə, 20 tonluq zirehli transportyorlarla təchiz edilmiş piyada qoşunları da daxil olmaqla, ümumilikdə 10 minə qədər hərbçinin göndərilməsi müzakirə edilir.

Qeyd edək ki, bundan öncə Tramp administrasiyasının artıq göndərilən 1500 əsgərdən əlavə də sərhədə qoşun göndərmək niyyətində olduğu açıqlanmışdı.