İsrailin kəşfiyyat xidməti Mossad adına casusluqda təqsirli bilinərək edam cəzasına məhkum edilən Məhəmməd Emin Mehdevi Şayestenin cəzasının İranda icra olunduğu bildirilib.

Tesnim Xəbər Agentliyi məsələ ilə bağlı məhkəmə sisteminin yazılı açıqlamasını dərc edib. Qeyd edilib ki, İran Ali Məhkəməsi tərəfindən təsdiqlənən Mehdevi Şayestenin cəzası səhər saatlarında icra edilib.

Təxminən 2 il əvvəl saxlanılan Mehdevi Şayeste İran rejimi müxalifətinin Londonda yerləşən İran Beynəlxalq televiziyasında işləməkdə və Mossad-a bağlı kiber komandaya rəhbərlik etməkdə ittiham olunub.