ABŞ prezidenti Donald Tramp bir sıra ölkələrin İrana nüvə başlıqlarını birbaşa tədarük etməyə hazır olduğunu deyən Rusiyanın sabiq prezidenti Dmitri Medvedevə cavab verib.

APA xəbər verir ki, Tramp həmçinin ABŞ tərəfindən həyata keçiriləcək yeni zərbələrdən də danışıb.

“Rusiyanın sabiq prezidenti Medvedevin təsadüfən bir söz dediyini, onun və digər dövlətlərin İrana nüvə başlıqları verəcəklərini dediyini eşitdimmi? Doğrudanmı o, bunu deyib? Yoxsa bu, mənim xəyalımın məhsuludur? Əgər deyib və bu təsdiqlənibsə, lütfən, dərhal mənə bildirin. Bu cür sözə o qədər də yüngül yanaşmaq olmaz.”, - Tramp deyib.