İsrail və ABŞ arasında münasibətlər son bir ildə görünməmiş dərəcədə möhkəmlənib.

Xalqcebhesi.az TASS-a istinadən xəbər verir ki, bunu yəhudi dövlətinin baş naziri Benyamin Netanyahu deyib.

"Son bir il ərzində ABŞ-la müttəfiqliyimiz və tərəfdaşlığımız görünməmiş xarakter alıb. Bu, həm Yaxın Şərqi, həm də dünyanı dəyişir. Bu, təkcə təhlükəsizlik üçün deyil, həm də sülh dairəsinin genişləndirilməsi üçün imkanlar yaradır, buna nail olmaq üçün çox səylə çalışırıq", - o deyib.
Netanyahu Ağ Evin prezidenti Donald Trampın İsrail və ABŞ arasında əlaqələrin möhkəmlənməsində xüsusi töhfəsini qeyd edib.

Məryəm Quliyeva