İranda Nazirlər Kabinetinin qərarı ilə 3 günlük ümummilli matəm elan edildiyi bildirilib.

Xalqcebhesi.az-ın məlumatına görə, ABŞ və İsrailə qarşı “milli müqavimət zamanı həlak olanlar”ın xatirəsinə ölkə üzrə 3 gün davam edəcək matəm elan olunub. İran mətbuatında yer alan xəbərlərdə qeyd olunur ki, Nazirlər Kabineti milli müqavimət zamanı həyatını itirənlərin anımına 3 günlük ümummilli matəm elan edilməsi barədə qərar qəbul edib. Xəbərlərdə, etirazlar zamanı İŞİD taktikalarından istifadə edən şəhər terrorçularının çoxsaylı təhlükəsizlik əməkdaşını öldürdüyünə diqqət çəkilib.

Bu qərarla yanaşı, İran vətəndaşlarına bu gün yerli vaxtla saat 14:00-da keçirilməsi planlaşdırılan milli müqavimət yürüşündə iştirak etmələri üçün çağırış edilib.

Məryəm Quliyeva