İran XİN-in rəsmi nümayəndəsi İsmail Bəqayi bəyan edib ki, İran və ABŞ arasında nüvə dosyesi üzrə guya müvəqqəti saziş hazırlanması barədə bəzi KİV-lərin yaydığı məlumatlar həqiqətə uyğun deyil.

Onun sözlərinə görə, müvəqqəti sazişlə bağlı media xəbərlərinin heç bir əsası yoxdur.

Xalqcebhesi.az xəbər verir ki, Bəqayinin bu sözlərini Qətərin "Al Jazeera" telekanalı yayıb.

O qeyd edib ki, tərəflər hazırda “ideyaların formalaşdırılması mərhələsindədir”. Diplomat vurğulayıb ki, Tehran nəticə əldə etmək imkanı gördüyü müddətdə diplomatik yolu davam etdirəcək.

Məryəm Quliyeva