Pentaqonun rəhbəri Pit Heqset NATO müdafiə nazirlərinin görüşünü başa çatmamış tərk edib və Ukraynaya silah tədarükü üzrə təmas qrupunun iclasında iştirak etməyəcək.

Xalqcebhesi.az xəbər verir ki, bu barədə NATO-nun Baş katibi Mark Rütte alyansın müdafiə nazirlərinin görüşündən sonra keçirilən mətbuat konfransında məlumat verib.

"Nazir Heqset saat 09:30-da gəldi və təxminən 11:15-də getdi. Yəni o, debatların böyük hissəsində, demək olar ki, iki saat iştirak etdi. Biz onun öz iş qrafiki ilə əlaqədar olaraq daha tez getməli olduğunu öncədən bilirdik", — deyə Rütte bildirib.

Ukrayna üzrə təmas qrupunun görüşü Brüsseldə saat 15:00-da (Bakı vaxtı ilə 17:00-da) başlayacaq. Daha əvvəl Rütte bəyan etmişdi ki, Vladimir Zelenskini də bu iclasda iştirak etməyə dəvət edib.

Məryəm Quliyeva