Gələn il üçün buraxılış imtahanlarında xarici dildə danışma qabiliyyətinin yoxlanılması nəzərdə tutulurdu, amma hələlik biz bunu həyata keçirə bilməyəcəyik.

Bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə deyib.

Onun sözlərinə görə, xarici dildə danışma qabiliyyətinin yoxlanılması üçün texniki və maliyyə vəsaiti tələb olunur:

"Bilirsiniz ki, indiki halda vəziyyət çətindir. Bu istiqamətdə təkmilləşdirmə aparılacaq. Buna cəmiyyət də hazır olmalıdır. Bizim üçün monitorinq imtahanları keçirmək vacibdir. Təəssüf ki, bu il pandemiya ilə əlaqədar 5-6-7 və 8-ci siniflərdə monitorinq imtahanları keçirə bilmədik".