İyulun 12-də Samur-Abşeron kanalının Quba rayonunun Vəlvələ kəndindən keçən hissəsində batan 2010-cu il təvəllüdlü Fərid Paşa oğlu Osmanovun meyiti tapılıb.

Bu barədə Fövqəladə Hallar Nazirliyindən (FHN) məlumat verilib.

Bildirilib ki, yeniyetmənin meyiti batdığı yerdən təxminən 15 kilometr aralıda – kanalın Şabran rayonunun Gəndov kəndindən keçən hissəsində aşkarlanıb.

FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıcları tərəfindən sudan çıxarılan meyit aidiyyəti üzrə təhvil verilib.