Ərdoğan: “Hörmətli Trampa təzyiq edirlər…” Dünya

Ərdoğan: “Hörmətli Trampa təzyiq edirlər…”

Dünyanın əksər ölkələrində edam cəzası var. Bunu Türkiyə Prezidenti Rəcəb Tayyib Ərdoğan Pakistana səfəri zamanı jurnalistlərin suallarını cavablandırarkən deyib. Onun sözlərinə görə, ABŞ dünyaya demokratiya dərsi keçir, amma bu ölkənin özündə böhran yaşanır: "Bu, millətimizin tələbidir. Bizim tələbi geri çevirməyimiz mümkün deyil. Xalqımın bunu bilməsini istəyirəm: dünyanın əksər ölkələrində edam cəzası var.
Sonuncu dəfə Belarusda səfərdə olmuşam. Belarus Avropa ölkəsidir və prezident respublikasıdır. Prezident dedi ki, sistem bizdə çox yaxşı çalışır və xalq da bundan məmnundur, cinayət faizi çox aşağıdır. Avropa Belarusa bu mövzuda təzyiq edir. Təbii ki, Qərb Lukaşenkoya "diktator" deyir. Kimdir demokrat? Hazırda ABŞ-ı görürük. İstədikləri adam prezident seçilmədi, hörmətli Donald Trampa təzyiq edirlər. Bu da dünyada kimin demokrat olduğunu açıq göstərir".