İranda Bəsic Mostazafin Təşkilatı (Sāzmān-e Basij-e Mostaz'afin (The Organization for Mobilization of the Oppressed) is one of the five forces of the Islamic Revolutionary Guard Corps.) tərəfindən koronavirusla əlaqədar ilk səyyar laboratoriya istismara verilib.
Bu barədə Trend İran KIV-ə istinadən məlumat verib.
200 ədəd laboratoriya analizini daşıya bilən maşında iki mərhələli şəkildə 3 saat ərzində analizlərin nəticəsi müəyyənləşdirilir.
Səyyar laboratoriya İranın tibbi mərkəzi olan Pastor İnstitutu (Pasteur Institute of Iran) tərəfindən təsdiqlənib.
Səyyar laboratoriyanın istismara verilməsinə İranın Bəsic Mostazafin Təşkilatının sədri Qulamrza Süleymani qatılıb.
Qeyd edək ki, İranın Səhiyyə, Müalicə və Tibbi Təhsil Nazirliyi ötən günədək (27 mart) İranda 32 332 nəfərin yeni koronavirusa yoluxduğunu, 2 378 nəfərin öldüyünü və 11 133 nəfərin sağaldığını təsdiqləyib.