Türkiyənin "Fatih" gəmisi Qara dənizdə "Türkali-1" axtarış quyusunun qazılacaq əraziyə çatıb.

Bu barədə "APA-Economics" Türkiyənin Energetika və Təbii Sərvətlər Nazirliyinə istinadən xəbər verir.

Məlumata görə, gəmi "Sakarya" qaz yatağında yerləşən sahədə işini davam etdirəcək.

Xatırladaq ki, ehtiyatları 405 mlrd. kubmetr səviyyəsində qiymətləndirilən "Sakarya" qaz yatağının açılması barədə bu il elan edilib.