Türkiyənin İstanbul şəhərində ötən il baş verən terror aktının təşkilatçılarından olan Nabo Kele Hayri Türkiyənin Milli Kəşfiyyat Təşkilatı tərəfindən Suriyada zərərsizləşdirilib.

Trend bu barədə Türkiyə mediasına istinadən xəbər verir.

Məlumata görə, terrorçu PKK/KCK-PYD/YPG-nin Suriyadakı "kəşfiyyat strukturundan" məsul olub.

Xatırladaq ki, ötən il İstanbulun Bəyoğlu məhəlləsi, İstiqlal küçəsində baş verən terror partlayışı nəticəsində 6 nəfər ölüb, 81 nəfər yaralanıb.