Türkiyənin Milli Təhsil Nazirliyi ilə Xəzinə və Maliyyə Nazirliyi tərəfindən 2024-2025-ci tədris ilində zəlzələ bölgəsi - Adıyaman, Hatay, Kahramanmaraş, Malatya əyalətləri, həmçinin Qaziantepin İslahiye və Nurdağı bölgələrində yerləşən özəl məktəblərdə təhsil alan və əvvəlki illərdə təhsil əhatəsinə alınıb təhsil səviyyəsini başa vurmayan şagirdlər üçün təhsil dəstəyinin verilməsi ilə bağlı məlumat Prezident Rəcəb Tayyib Ərdoğanın imzası ilə “Resmi Gazete”də yayımlanıb.
Xalqcəbhəsi.az xəbər verir ki, bu barədə Türkiyənin xəbər saytları məlumat paylaşıb.
Bildirilir ki, buna uyğun olaraq 2024-2025-ci tədris ilində məktəb növünə görə məktəbin bütün səviyyələrdə təhsil müddətini aşmamaq üzərə ibtidai məktəb səviyyəsində 2-ci, 3-cü və 4-cü sinif şagirdləri üçün 24 min 600 TL (təxminən 1300 AZN), orta məktəb səviyyəsində 6, 7, 8, 10, 11, 12-ci siniflərdə təhsil alan hər bir şagirdə isə 28 min 800 TL (təxminən 1500 AZN) təhsil dəstəyi veriləcək.