Qarşıdakı dövrdə Türk dünyası ilə bağlı da gündəmimizdə mühüm məsələlər var.

APA xəbər verir ki, bunu Türkiyə Respublikasının xarici işlər naziri Hakan Fidan Bakıda Azərbaycan Respublikasının xarici işlər naziri Ceyhun Bayramovla birgə mətbuat konfransında deyib.

Nazir bildirib ki, oktyabrın 29-da Türk Dövlətləri Təşkilatının xarici işlər nazirlərinin iclası, oktyabrın 30-da isə Ankarada liderlərin iştirakı ilə təşkilatın 13-cü Zirvə görüşü keçiriləcək:

“Bu zirvəni Türk dünyasının ortaq gələcəyi baxımından tarixi bir addım kimi qiymətləndiririk”, - nazir əlavə edib.