Ağcabədi rayonunun Salmanbəyli kəndində göyərçin ovlayan şəxsə cəza verilib.

Xalqcebhesi.az xəbər verir ki, 1989-cu il tarixdə Ağcabədi rayonunun Hüsülü kəndində anadan olmuş G.F. qadağan edilmiş yerdə ov etdiyi üçün saxlanılıb.

O, qadağan edilmiş yerdə 12 kalibrli silahla 32 ədəd göyərçin, 2 ədəd qumru quşu, bir ədəd bildirçin ovlayıb. G.F. barəsində İnzibati Xətalar Məcəlləsinin 272.3-cü maddəsi ilə protokol tərətib edilib və iş məhkəməyə göndərilib.

Məhkəmənin qərarı ilə təqsirləndirilən şəxs İnzibati Xətalar Məcəlləsinin 272.3-cü maddəsi ilə təqsirli bilinib və 6 ay müddətə ov hüququ məhdudlaşdırılıb.