İyulun 24-ü saat 19:20-də Heydər Əliyev adına Neft Emalı Zavodunun məşəl sistemində güclü tüstü axını müşahidə olunub.
Ekologiya və Təbii Sərvətlər Nazirliyinin Milli Monitorinq Departamentinin mütəxəssislərindən ibarət qrup zavod və ətrafında müşahidə və monitorinq aparıb.
Nazirliyin mətbuat xidmətindən AZƏRTAC-a bildiriblər ki, tüstü axını zavoddaki istismar sahələrindən birində baş vermiş texniki nasazlıq nəticəsində havaya buraxılıb. Yaranmış vəziyyətlə bağlı araşdırmalar davam etdirilir və ictimaiyyətə əlavə məlumat veriləcək.