Bakıda sarımsaq qısamüddətli bahalaşmadan sonra yenidən ucuzlaşıb.
Report-un marektlərdə apardığı araşdırma nəticəsində məlum olub.
Bir qədər əvvəl dünyada, o cümlədən Azərbaycanda yayılmış koronavirus infeksiyasından qorumaq üçün əhalinin sarımsağa tələbatı kəskin artmışdı. Son nəticədə bu məhsulun 1 kiloqramının qiyməti 15 manata yüksəlmişdi. Hazırda isə qiymətlər 7-8 manat civarında dəyişir. Məsələn, hazırda “Araz” və "Bazarstore" supermarketlər şəbəkəsində 1 kq sarımsağın qiyməti 7,5 manat, “Bravo” marketlərində 8 manat, “Oba” marketlərində isə 6,9 manat təşkil edir.
Xatırladaq ki, ötən ilin yay aylarında Bakıda sarımsaq daha ucuz, 1 kq-ı 1-3 manata, koronavirusun yayılmasına ərəfəsində isə 3-5 manata təklif edilib.
İnsanlar sarımsağa koronavirusdan qorunmaq üçün vasitə kimi baxsalar da, mütəxəssislər hesab edirlər ki, əsas məsələ immuniteti qorumaq, bol vitaminli qidalara üstünlük verməkdir.