"Erməni nümayəndələrinin Bakıya gəlməsi ilə baş tutan görüş vacib və çox təqdirəlayiqdir. Belə görüşlər yaxın illərdə həm media nümayəndələri, həm də geniş ictimaiyyət arasında dialoqun aparılmasına imkan yaradır və hər iki ölkəyə faydalıdır".

Bunu politoloq İlqar Vəlizadə Xalqcebhesi.az-a açıqlaması zamanı deyib.

Onun sözlərinə görə, yaranmış vəziyyətdə dialoq uzunmüddətli xarakter daşıyacaq: “Xüsusilə Ermənistan cəmiyyətində Azərbaycana və azərbaycanlılara qarşı mövcud fobiyalar və xoşagəlməz hisslər var. Bu dialoq çərçivəsində həmin münasibətlər azalacaq, minimuma endiriləcək və nəticədə sülh prosesinə müsbət təsir göstərəcək".

Günel Elxan