Hindistan hakimiyyəti ABŞ-dan Sülh Şurasına qoşulmaq üçün dəvət alıb və Nyu-Dehlidə bu təklif hazırda öyrənilir.

Xalqcebhesi.az xəbər verir ki, bu barədə Hindistan Xarici İşlər Nazirliyinin rəsmi nümayəndəsi Randhir Caysval brifinqdə bildirib.

“Biz ABŞ-dan Sülh Şurasına qoşulmaq üçün dəvət almışıq. Hazırda bu təklifi nəzərdən keçiririk”, — deyə o bildirib.

Caysval xatırladıb ki, “Hindistan ardıcıl olaraq Yaxın Şərqdə sülhə, sabitliyə və dialoqa töhfə verən təşəbbüsləri dəstəkləyir”. “Baş nazirimiz regionda, o cümlədən Qəzzada uzunmüddətli və davamlı sülhə yol açan təşəbbüsləri alqışlayıb”, — deyə o əlavə edib.

Məryəm Quliyeva