Roma Papası XIV Lev Amerika Birləşmiş Ştatlarını və İranı danışıqlar masasına qayıtmağa və münaqişələrin sülh yolu ilə həlli yollarını axtarmağa çağırıb.

Xalqcebhesi.az xəbər verir ki, bu barədə "dpa" agentliyi məlumat yayır.

Afrika səfərindən qayıtdıqdan sonra pontifik bəyan edib ki, dünyanın güc tətbiqini istisna edən yeni "sülh mədəniyyətinə" ehtiyacı var. O, mövcud vəziyyəti "xaotik" adlandıraraq qeyd edib: "Bir gün İran 'hə', ABŞ isə 'yox' deyir, növbəti gün isə əksinə — bunun hara aparıb çıxaracağını bilmirik".

Papa nifrət və parçalanmaya deyil, dialoqa əsaslanan həll yollarının zəruriliyini vurğulayıb. O, həmçinin İranda etirazçıların edam edilməsini pisləyib, lakin ABŞ Prezidenti Donald Trampın bu yaxınlarda Vatikanın ünvanına səsləndirdiyi tənqidlərə baxmayaraq, onun adını çəkməyib.

Məryəm Quliyeva