İsrail Müdafiə Ordusu (SAXAL) Qəzza zolağının şimal hissəsində Fələstinin radikal HƏMAS hərəkatının hərbi qanadına mənsub beş silahlı radikaldan ibarət qrupa zərbə endirdiyini bəyan edib.

Xalqcebhesi.az xəbər verir ki, bu barədə ordu mətbuat xidmətinin bəyanatında bildirilib.

"İsrail Müdafiə Ordusu Qəzza zolağının şimalında yeraltı bunkeri bərpa etməyə çalışan beş terrorçuya zərbələr endirib. Zərbə nəticəsində HƏMAS-ın "Şərqi Cəbəliyə" batalyonunun "Nuxba" xüsusi təyinatlı qüvvələrinin terrorçusu ləğv edilib. Hücum zamanı digər terrorçular da məhv edilib", — deyib.

Mətndə həmçinin qeyd olunur ki, "zərbədən əvvəl mülki əhaliyə dəyə biləcək ziyanı minimuma endirmək üçün lazımi tədbirlər görülüb".

Məryəm Quliyeva