Texniki baxımdan İran Ukraynaya zərbə endirmək imkanına (Xorramşəhr-4 raketi) malikdir və onun rəsmiləri açıq şəkildə "cavab" verəcəkləri ilə hədələyirlər. Lakin praktikada bu, son dərəcə ehtimaldan uzaqdır: İran onsuz da ABŞ və İsraillə münaqişə vəziyyətindədir, raket ehtiyatları tükənib və növbəti bir cəbhənin açılması strateji bir risk olar.

Bunu xalqcebhesi.az-a Ukrayna Milli Strateji Araşdırmalar İnstitutunun Xarici Siyasət Araşdırmaları Mərkəzinin baş məsləhətçisi, iqtisad elmləri namizədi İvan Us İranın Ukraynanı hədəfə ala biləcək fikrinə münasibətində deyib.

"Beləliklə, praktikada Ukrayna ərazisinə birbaşa raket zərbəsi endirilməsindən daha çox, asimmetrik cavab tədbirinin — məsələn, Hörmüz boğazında və ya Qırmızı dənizdə Ukrayna ilə əlaqəli gəmilərə hücumun və ya Rusiyaya göstərilən yardımın nəzərəçarpacaq dərəcədə artırılmasının baş verməsi ehtimalı daha yüksək qiymətləndirilir. Eyni zamanda, istənilən ssenari vəziyyətin daha da gərginləşməsi riskini daşıyır; çünki İran artıq Kiyevin hərəkətlərinin daha genişmiqyaslı münaqişəyə səbəb ola biləcəyini bəyan edib. Bununla belə, vəziyyətin sürətlə dəyişdiyini nəzərə almaq və cərəyan edən hadisələri diqqətlə izləmək vacibdir" - politoloq qeyd edib.

Cavid