Azərbaycan Avropa İttifaqına (Aİ) qaz tədarükünün şaxələndirilməsi üzrə səylərdə vacib rol oynayır.

Trend-in məlumatına görə, bunu Aİ-nin Enerji üzrə Baş Direktorluğunun rəhbəri Kristina Lobillo Borrero Bakı Enerji Həftəsinin açılış mərasimində deyib.

"Bizim enerji bazarlarımız COVID-19 pandemiyası da daxil olmaqla bir sıra problemlərlə, o cümlədən enerji daşıyıcılarının bahalaşması ilə üzləşir. Cənub Qaz Dəhlizi Aİ üçün vacib əhəmiyyət daşıyır və Azərbaycanın oynadığı rol Aİ-yə qaz tədarükünün şaxələndirilməsi üzrə səylərimizdə çox vacibdir. Bu, enerji daşıyıcıları qiymətlərinin stabilləşməsi, eləcə də tədarükün etibarlılığının təmin olunması üçün zəruridir. Biz bunu qiymətləndiririk. Bizim Azərbaycanla enerji münasibətlərimiz müsbət enerji dialoqu təcrübəsinə əsaslanır", - deyə o bildirib.