2024-cü ilin yanvar - noyabr aylarında Azərbaycandan Avropaya 11,7 mlrd.m3, Türkiyəyə 9 mlrd.m3, Gürcüstana isə 2,2 mlrd.m3 qaz ixrac olunub.

“APA-Economics” xəbər verir ki, bu barədə energetika naziri Pərviz Şahbazov “X” sosial şəbəkəsindəki hesabında paylaşım edib.

“Bu dövrdə TANAP-la Türkiyəyə 5,1 mlrd.m3 qaz nəql edilib. Bu ilin 11 ayı ərzində xaricə qaz satışı ötən ilin müvafiq dövrü ilə müqayisədə təqribən 5% çoxdur” - deyə paylaşımda qeyd edilib.