Ərdəbilli gənc Azərbaycan türkü Əli Sənainin həbsindən 27 gündən çox vaxt keçib və onun harada olduğu və ya sağlamlıq vəziyyəti barədə hələ də heç bir məlumat yoxdur.

Gunaz.tv

Azərbaycanlı fəal olan Mürtəza Sənainin oğlu olan Əli Sənai 8 yanvar 2025-ci ildə Ərdəbilin Şəriəti Meydanında keçirilən etirazlar zamanı taksiyə mindikdən sonra Baş Kəşfiyyat İdarəsinin əməkdaşları tərəfindən həbs edilib.

Məlumatlar göstərir ki, o, həbsindən bəri Ərdəbil Vilayət Kəşfiyyat İdarəsinin təcridxanasında saxlanılır. Lakin ailəsi və qohumları ilə heç bir əlaqənin olmaması onun vəziyyəti ilə bağlı narahatlıqları artırıb.

Əli Sənainin ailəsi dərin narahatlıqlarını ifadə edərək, oğullarının vəziyyəti, harada olduğu və hüquqi statusu ilə bağlı dərhal aydınlıq gətirilməsini tələb etsə də buna hələki məhəl qoyulmur.