2020-ci ildə qlobal neft hasilatı gündəlik orta hesabla 7,1 milyon barrel azalacaq.
Bu barədə Beynəlxalq Enerji Agentliyinin (IEA) neft bazarına dair aylıq hesabatında deyilir.
IEA-ya görə, qlobal neft tədarükünün düşməsinə OPEC və qeyri-OPEC ölkələrinin neft hasilatını azaltmaları, dünyanın ən böyük xam neft istehsalçısı olan ABŞ-da istehsalın aşağı enməsi təsir edir.
Agentlik 2021-ci ildə isə qlobal neft istehsalının sutkada 1,7 milyon barrel artacağını proqnozlaşdırır.