"Nəzərə almaq lazımdır ki, Azərbaycan KTMT-yə üzv olan ölkələr ilə yüksək səviyyədə münasibətlər qurub. Türk Dövlətləri Təşkilatları çərçivəsində Bakı, Qazaxıstan və Qırğızıstan ilə əməkdaşlıq edir. Bundan əlavə, Azərbaycanın təşkilatda aparıcı ölkə olan Belarusiya ilə normal münasibətləri var. Eyni zamanda Rusiya KTMT nəzdində Azərbaycan əlehinə hansı qərarların qəbul edilməsinə şərait yaratmaz". Xalqcəbhəsi.az xəbər verir ki, bunu politoloq Tural İsmayılov bildirib. Onun fikrincə, Moskvanın bu istiqamətdə addım atması Azərbaycanla münasibətləri korlaya bilər: "Digər tərəfdən KTMT siyasi yox, hərbi təşkilatdır və bu təşkilatın Azərbaycan və Ermənistan arasında proseslərə müdaxilə ilə bağlı heç bir əsası yoxdur. Nikol Paşinyan ölkəsini KTMT-dən çıxartmaq üçün Azərbaycanla olan problemlərini bahəni kimi gündəliyə salmağa çalışır. KTMT və Rusiyanın rəhbərliyinə çox yaxşı bəllidir ki, Paşinyanın bu dəluduzluğunun səbəbi Azərbaycana qarşı təzyiq metodlarını tətbiq etməkdən ibarətdir. İstənilən halda, Rusiya Ermənistana Soçidə üzərinə götürdüyü öhdəlikləri yerinə yetirməsi üçün daha ciddi təzyiqlər etməlidir. Bu edilməyəcəyi təqdirdə, Ermənistanın təxribatları davam edəcək. Nəticədə Cənubi Qafqazda sabitliyə qarşı təhdid davam edəcək. Bu isə regional layihələrin reallaşdırılmasının ləngiməsinə səbəb olacaq. Nikolun sənədi imzalamamağı sürpriz deyildi. Hesab edirəm ki, hər kəs üçün bu gözlənilən addım idi. KTMT də Ermənistandan bezib və bundan sonra müəyyən məsafə saxlamaqla həm də Ermənistana dərs vermək istəyirlər".

Əli