Azərbaycan dəfələrlə qeyd edib ki, Qarabağda yaşayan etnik ermənilərin Azərbaycanda yaşamaq hüququ var.

Bunu bu gün Azərbaycan xarici işlər naziri Ceyhun Bayramov ilin yekunlarına dair keçirilən mətbuat konfransında bildirib.

Onun sözlərinə görə, Azərbaycan bu dialoqun aparılmasına açıqdır.

“Bu istiqamətdə bir sıra addımlar atılır və bu, davam edəcək. Məqsədli şəkildə kimlərsə bu prosesə müdaxilə edirsə, ləkəli keçmişə malik olan insan bölgəyə göndərilirsə, bu, prosəsə vurulan zərbədir. Azərbaycan bunun qarşısını almaq iqtidarındadır və alacaq da", deyə nazir qeyd edib.