“Naxçıvanda görüş zamanı Azərbaycan və Türkiyə prezidentlərin Zəngəzur dəhlizinin zorla açılacağına işarə belə etməyiblər”. Xalqcəbhəsi.az xəbər verir ki. bu fikirləri “Tribun” jurnalının baş redaktoru Əlirza Ərdəbili BBC-nin fars xidmətinin Zəngəzurun işğal olunacağı barədə iddiasını cavablandırarkən deyib: “Bu nəhəng layihə milyardlarla dollar vəsait tələb edir, işğal amili isə sərmayənin yatırılmasına böyük əngəl törədib. Ermənistan 30 il ərzində işğal etdiyi Azərbaycan torpaqlarına nə özü bir dollar yatırım etdi, nə də kənardan oraya bir dollar sərmayə cəlb edə bildi”.