Xankəndində Azərbaycan manatı dövriyyəyə buraxılır. 44 günlük müharibədən sonra Rusiya sülhməramlılarının müvəqqəti nəzarət bölgəsində suverenliyimizin bərpa ediləcəyini, bu gün gördüklərimizin olacağını yazırdıq və bunu iddia olaraq deyil, təhlillərə əsaslanaraq deyirdik. Nə yazmışıqsa, hamısı qalır.

"Xalq Cəbhəsi" xəbər verir ki, bunu siyasi ekspert Asif Nərimanlı deyib.

Onun sözlərinə görə, amma 10 noyabr bəyanatının imzalandığı gecədən etibarən, “Xankəndi nə oldu” deyənlərin səs-küyü praqmatik yanaşmanı eşidilməz etmişdi, biz təhlilə əsaslanaraq bu günün olacağını deyirdiksə, onların yeganə arqumenti “Rusiya faktoru” idi. Bu gün baş verənlər fonunda ən çox 44 günlük müharibənin nəticələrinə lağ edənlər yada düşür:

"Separatizm ləğv edildi, Xankəndində mərkəzi hakimiyyət bərpa olunur, lakin eyni düşüncə indi də “Rusiya bunun əvəzində bizdən nə alacaq” məsələsi üzərindən çıxış edir. Yenə yanılacaqları ehtimalı daha çoxdur.

Azərbaycan antiterror tədbirlərinə neytral mövqe sərgiləyən Rusiyaya öz sərhədləri daxilində nəsə verməyəcək, mən belə düşünürəm".

Cavid