Gürcüstan parlamentinin üzvü Zurab Kadaqidze Azərbaycanla dostluq qrupuna əlavə olunub.

APA-nın yerli bürosu xəbər verir ki, bu barədə qanunverici orqanın bürosu Xarici əlaqələr komitəsinin təqdimatı əsasında qərar qəbul edib.

Bununla dostluq qrupunun üzvlərinin sayı 31-ə çatıb.

Kadaqidze hakim “Gürcü Arzusu” partiyasından deputat seçilib, “Xalqın gücü” siyasi qrupunun üzvüdür.

Qeyd edək ki, qrupa Gürcüstan parlamentinin Regional siyasət və özünüidarəetmə komitəsinin sədri İrakli Kadaqişvili rəhbərlik edir. Qrupda vitse-spiker Nino Tsilosani, Müdafiə və təhlükəsizlik məsələləri üzrə komitənin sədri Aleksandre Tabatadze, Təhsil, elm və gənclərlə iş üzrə komitənin sədri Mariam Laşxi, azərbaycanlı deputatlar Zaur Darğallı və Savalan Mirzəyev də təmsil olunur.