Rusiya Xarici İşlər Nazirliyinin rəsmi nümayəndəsi Mariya Zaxarova Azərbaycan xalqını 28 may Respublika Günü münasibəti ilə təbrik edib.
Rusiya XİN sözçüsü bu gün keçirdiyi ənənəvi brifinqdə bu barədə danışıb.
"Fürsətdən istifadə edib azərbaycanlı dostlarımızı milli bayram olan Respublika Günü münasibəti ilə təbrik edirəm. Ənənəvi olaraq Azərbaycan rəhbərliyinin ünvanına təbrik məktubunu Rusiya Prezidenti, hökumət başçısı, hər iki parlament qanadının başçıları və xarici işlər nazirləri göndərib", - deyə Rusiya XİN rəsmisi bildirib.