Avqustun 13-də Azərbaycan Respublikasının ABŞ-dakı səfiri Elin Süleymanovun, Gürcüstan səfiri David Bakradzenin, Moldova səfiri Eugen Karasın və Ukrayna səfiri Volodimir Yelçenkonun iştirakı ilə birgə vebinar təşkil olunub.

Ölkəmizin ABŞ-dakı Səfirliyindən verilən məlumata görə, iştirakçılar əməkdaşlığın hazırkı səviyyəsiilə bağlı müzakirə aparıb və ümumi maraqlar əsasında gələcəkdə birgə təşəbbüslər barədə qərara gəliblər.

Səfirlər ABŞ-la birgə regional əməkdaşlıq imkanlarının təşviq edilməsi və tərəfdaşlığın gücləndirilməsi məqsədilə işçi səviyyədə məsləhətləşmələr də daxil olmaqla, sözügedən formatda müzakirələrin davam etdirilməsinin əhəmiyyətini vurğulayıblar.