Rusiya Xarici İşlər Nazirliyinin sözçüsü Maria Zaxarova, Albaniya Baş naziri Edi Ramanın Albaniya ilə Kosovanın birləşməsi ilə bağlı açıqlamasının qəbuledilməz olduğunu bildirib.

Xatırladaq ki, Rama bildirib ki, siyasi karyeramın hədəfi Albaniyanın Kosova ilə birləşməsidir: “Mən Albaniya və Kosovo prezidenti ola bilərəmmi? Bu mənim planlarımda deyil. Amma Albaniya ilə Kosovonun birləşməsi mənim hədəfimdir”.

"Xalq Cəbhəsi" Rusiya mətbuatına istinadən xəbər verir ki, Zaxarova qeyd edib ki, "Böyük Albaniya" yaratmaq planlarının təşviqi BMT Təhlükəsizlik Şurasının 1244 saylı qətnaməsinin müddəalarına kobud şəkildə ziddir və bölgədəki sabitliyi pozur: "Kosovo nizamlanması üçün əsas sənədin pozulmasının Balkan bölgəsi ölkələrindən birinin liderinin siyasi karyerasının əsas hədəfi olduğunu elan etməsini eşitmək xüsusilə qəribədir".

Cavid